Apríl genginn í garð og búið að vera snjólítið á láglendi um hríð. Fyrsti golfhringur ársins var leikinn í gær, við ágætar aðstæður á Þverá. Flatir náttúrlega óslegnar en annars var ekkert yfir aðstæðum að kvarta.
Frammistaðan var með afbrigðum léleg – en þetta var gaman og leiðin liggur bara upp á við!
Skrifað í Íþróttir | Leave a Comment »
… þannig er það nú bara. Setjið upp höfuðtól og skrúfið hljóðið umtalsvert upp:
Nokkur hljóðdæmi af Wind & Wuthering frá 1976. Tek fram að ég er samt ekki að gera upp á milli laganna á plötunni, enda er það ekki hægt!
Hver kannast ekki við það að vera með fimmþúsundkall í veskinu og langa til að kaupa svolítinn jólabjór? Ég hef tekið saman leiðarvísi um það hvernig hægt er að hámarka magn og gæði við þessar aðstæður.
Forsendur: Eiga 5000 krónur og vilja jólabjór fyrir allan peninginn. Bara íslenskan jólabjór. Gjarnan meira en 1 stk. af hverri sort, til að auðvelda samanburðarrannsóknir. En ekkert frá Egils.
Svona ferðu að því – smelltu á myndina til að sjá hana stærri:
Jólabjór 2011
ATH: Að vísu er Leppalúði ekki framleiddur á Íslandi, heldur í Belgíu, en með góðum vilja má flokka hann með.
Skrifað í Almennt, Matur og vín |
Ekkert lát á sumarblíðunni. Hringur á Þverá í morgun… völlurinn nánast eins og á sumri. Þurrt og autt. Meira að segja sól. Sunnanvindurinn skemmdi að vísu skorið – en það er ekki aðalatriðið. Upplifunin var dásamleg.
Skrifað í Almennt, Íþróttir, Merkisviðburðir |
Mig langar að halda því til haga, svona upp á seinni tíma upprifjanir, að í gær lék ég níu holur á Þverárvelli í alveg ljómandi stilltu og góðu veðri. Ekkert sem minnti á vetur. Og svo það sé á hreinu þá var 12. nóvember í gær.
Ekki spillti fyrir að spilamennskan var með besta móti… fimm pör og bara ein “sprengja”. Held ég sé í framför.
Skrifað í Almennt, Íþróttir, Merkisviðburðir | 1 ummæli »
Ég hélt að ég hefði eitthvað að segja en komst svo að því að svo var ekki.
Skrifað í Almennt, Merkisviðburðir |
Sökum þess að vefþjónninn minn, sem malar kyrrlátlega heima í skáp, er orðinn gamall og veikburða, ákvað ég að flytja bloggið mitt á traustan hýsingarstað úti í heimi. Upphaflega setti ég hann upp til þess að geta fiktað í Linux og vefkerfum en það eru orðin einhver ár síðan ég uppfærði hugbúnaðinn síðast. Svo tölvan mun drepast bráðum.
Hins vegar vildi ég ekki fórna því litla sem ég hef ritað á þessum vettvangi, svo ég ákvað að flytja þetta góða efni, svo það fái lifað áfram. Setti meira að segja upp sama útlit og var á gamla þjóninum mínum og allir tenglar virka ennþá. Þannig að kannski sjá einhverjir engan mun 
En ég lofa ekkert að vera duglegri að blogga…
Skrifað í Merkisviðburðir, Tölvur og tækni |
